Спачатку каля 13-й гадзіны расіяне нанеслі ўдары крылатымі ракетамі «Калібр» з акваторыі Чорнага мора, як мяркуецца, з падводнай лодкі. Тры «Калібры» ўдалося збіць.
Каля 17-й гадзіны з раёна Каспійскага мора быў нанесены ўдар крылатымі ракетамі паветранага базавання X-101/X-555. Зафіксавалі пускі 36-ці ракет з васьмі стратэгічных бамбардзіроўшчыкаў Ту-95МС.
Урэшце, каля 19:00 у неба падняліся расійскія знішчальнікі МіГ-31K і нанеслі ўдар чатырма аэрабалістычнымі ракетамі X-47 «Кінжал» у напрамку Хмяльніцкай вобласці.
Як паведамляецца, у выніку супрацьпаветранай абаронай Украіны было знішчана 36 паветраных цэляў: тры крылатыя ракеты «Калібр» і 33 крылатыя ракеты X-101/X-555.
Адносна наступстваў пускаў X-47 «Кінжал» інфармацыя ўдакладняецца.
Чытайце таксама:
У Расіі ўзляцелі 12 бамбардзіроўшчыкаў
Служба бяспекі Украіны прызнала датычнасць да атакі на Крымскі мост восенню 2022 года
УСУ маюць поспех каля Старамаёрскага, замацоўваюцца на дасягнутых рубяжах — Генштаб
