Фота: «Наша Ніва»
У чацвер умовы надвор'я ў Беларусі будуць вызначаць атмасферныя франты з Заходняй Еўропы. Ноччу пераважна па заходняй палове, раніцай і днём на большай частцы тэрыторыі краіны пройдуць кароткачасовыя дажджы, у асобных раёнах прагрымяць навальніцы.
Днём месцамі чакаюцца моцныя дажджы.
Вецер паўднёвы з пераходам на паўночна-заходні парывісты, раніцай і днём у асобных раёнах моцны парывісты.
Ноччу +9..+15°С, па захадзе Беларусі да +19°С; днём +18..+24°С, па паўднёвым усходзе да +27°С.
У Мінску чакаецца +18..+20°С.
У пятніцу, 15 верасня, пераважна без ападкаў, толькі ноччу і раніцай па ўсходзе краіны пройдуць кароткачасовыя дажджы, магчымыя навальніцы. Ноччу будзе ад +6°С па захадзе да +14°С па паўднёвым усходзе краіны, максімальная тэмпература днём +16..+23°С. У Мінску +17°С.
У суботу, 16 верасня, без ападкаў. Ноччу +2..+9°С, па паўднёвым усходзе да +11°С, максімальная тэмпература днём +17..+24°С.
У Мінску чакаецца +21°С.
