Севастопаль, 2019 год. Фота: Ulf Mauder / picture alliance via Getty Images
Паведамляецца, што спецаперацыю правялі супольна СБУ, Паветраныя сілы і ВМС УСУ. Ракетны ўдар быў здзейснены пасля таго, як СБУ пацвердзіла, што ў вайсковай часці знаходзяцца камандзіры расійскага флоту, якія вызначылі базу запасным камандным пунктам.
Днём 20 верасня стала вядома пра выбухі ў акупаваным Крыме. Прызначаныя Расіяй улады заявілі пра адбітую ракетную атаку, а ўкраінская разведка — пра паспяховую.
Пацвярджэння ні першай, ні другой версіі на гэты момант няма.
Сёння ранкам Мінабароны РФ паведаміла пра маштабную атаку дронаў на Крым. Паводле расійскага боку, сілы іх СПА знішчылі над акваторыяй Чорнага мора і Крымам 19 украінскіх беспілотнікаў самалётнага тыпу. Таксама БПЛА былі збітыя ў Курскай, Белгародскай і Арлоўскай абласцях.
