Новы дакумент змяняе тэрміны рэгістрацыі на ЦТ. Плануецца, што цяпер абітурыенты павінны будуць праходзіць гэтую працэдуру з 9 па 22 красавіка.
Указ таксама карэктуе даты правядзення ўступных выпрабаванняў. ЦЭ і ЦТ адбудуцца ў адзіныя тэрміны для ўсіх выпускнікоў бягучага і мінулых гадоў: 27 мая (ЦЭ і ЦТ па прадмеце на выбар), 30 мая (ЦЭ і ЦТ па беларускай або рускай мове), 3 чэрвеня (ЦТ па прадмеце на выбар).
Шэраг істотных змен тычыцца абітурыентаў, якія ідуць вучыцца па мэтавым накіраванні. Новы дакумент дае права праводзіць асобны конкурс сярод асобных арганізацый — заказчыкаў кадраў (у выпадку адсутнасці конкурсу па спецыяльнасці).
Мінімальны сярэдні бал атэстата для паступлення па мэтавым накіраванні павінен будзе складаць не менш за 7, але для спецыяльнасцяў, якія найбольш запатрабаваныя ў эканоміцы, могуць быць і выключэнні.
Пашыраюцца і сістэматызуюцца льготы для паступлення адораных і матываваных абітурыентаў на найбольш запатрабаваныя эканомікай спецыяльнасці і ў рэгіянальныя ВНУ. Таксама прапісалі магчымасць паступлення абітурыентаў на агульных падставах з усталяваннем для іх квоты не менш за 20% ад плана набору (па медыцынскіх спецыяльнасцях — не менш за 10%).
Цяпер будзе магчымасць паступіць без уступных выпрабаванняў у рэгіянальныя ВНУ ў абітурыентаў, якія маюць залаты (сярэбраны) медаль або дыплом аб сярэдняй спецыяльнай або прафесійна-тэхнічнай адукацыі з адзнакай.
Выключэннем сталі наступныя спецыяльнасці: «Ахова здароўя», «Міжнародныя адносіны», «Міжнароднае права», «Правазнаўства», «Эканамічнае права», «Дзяржаўнае кіраванне і права», «Усходазнаўства», а таксама спецыяльнасцяў, дысцыплінамі профільных выпрабаванняў якіх з'яўляюцца «Творчасць», «Фізічная культура і спорт».
Указ Лукашэнкі дае ўраду паўнамоцтвы вызначаць пералік профільных класаў і спецыяльнасцяў, на якія могуць паступаць выпускнікі такіх класаў на льготных умовах.
Чакаецца, што Мінадукацыі ў найбліжэйшы час правядзе комплекс арганізацыйна-метадычных мерапрыемстваў па рэалізацыі палажэнняў указа, а бацькам і абітурыентам падрабязна растлумачаць новаўвядзенні.
Чытайце таксама:
Большасць беларускіх студэнтаў ужо вучыцца платна
Чыноўнікі Гомельшчыны забаранілі моладзі «пажыць для сябе»
Міністр Іванец: У Беларусі засталіся шэсць прыватных школ
«Кумулятыўны эфект». Міністр адукацыі прагназуе значнае падаражэнне навучання ў ВНУ
