Сярод затрыманых — былыя службовыя асобы Галоўнага ўпраўлення разведкі Мінабароны і Службы знешняй разведкі Украіны, а таксама супрацоўнік абласнога ўпраўлення СБУ.
Задачай агентурнай сеткі была перадача РФ разведданых пра сілы абароны і стратэгічна важныя энергаабʼекты.
Па матэрыялах следства, экс-чыноўнік знешняй разведкі быў завербаваны ФСБ яшчэ да поўнамаштабнага ўварвання падчас знаходжання на службе. З тых часоў ён збіраў інфармацыю пра месцы базавання ўкраінскіх вайскоўцаў, а пасля 24 лютага 2022 года — і пра каналы перапраўкі замежнага ўзбраення ва Украіну.
Таксама расейскі агент перадаваў у ФСБ сакрэтную інфармацыю пра асаблівасці працы і сістэмы аховы Ровенскай і Хмяльніцкай АЭС.
Яшчэ адзін расейскі агент, які раней праходзіў службу ў ГУР, зліў асабістыя звесткі ўкраінскіх вайскоўцаў.
Паводле звестак СБУ, ФСБ вербавала ўдзельнікаў групы, выкарыстоўваючы ў тым ліку пагрозы забойства іх семʼяў. Акрамя таго, за кожнае выкананае заданне зламыснікі атрымлівалі грошы.
Чытайце таксама:
Кіеў папрасіў Маскву перадаць целы загінулых у катастрофе Іл-76
Жыхар Наваполацка патэлефанаваў у міліцыю і сказаў «Слава Украіне». Яму прысудзілі 15 сутак
