А-50 — гэта звышкаштоўны расійскі самалёт-разведчык, якіх у расіян лічаныя адзінкі.

Паводле папярэдніх звестак, пры гэтым маглі загінуць ад 12 да 17 чалавек. Адносна ж таго, з чаго быў зроблены ўдар па самалёце, сярод расійскіх ваенкараў ходзяць чуткі, што «стралялі з нейкай невядомай зброі. Не Patriot, а нешта больш сур'ёзнае».

Галоўнае ўпраўленне разведкі Украіны пацвердзіла факт збіцця самалёта і расказала некаторыя дэталі збіцця. Паводле звестак ГУР, у выніку гэтай спецаперацыі ўдалося збіць новую, мадэрнізаваную версію гэтага самалёта — А-50У.

Збіццё самалёта было сумеснай аперацыяй ГУР і Паветраных сіл ВСУ. Рэзкае падзенне яго хуткасці і вышыні зафіксавалі каля горада Ейска у Краснадарскім краі.

У аператыўным штабе Краснадарскага краю Расіі пацвердзілі падзенне «аднаго лятальнага апарата». Але ніякіх дэталяў пакуль не прыводзяць. Мінабароны Расіі страту самалёта пакуль не каментавала.

Самалёт А-50 — паветраны камандны пункт, які расейцы выкарыстоўвалі для далёкага радыёлакацыйнага выяўлення, кіравання і навядзення для ўдараў па Украіне ракетамі са стратэгічнай авіяцыі.

Ягоны кошт — 350 мільёнаў даляраў. Такіх самалётаў у РФ усяго некалькі штук.

Чытайце таксама:

Як украінцы збілі расійскі самалёт А-50 коштам $330 мільёнаў

Гібель А-50: як УСУ маглі знішчыць расійскі лятаючы радар?

Залужны пацвердзіў збіццё расійскіх звышкаштоўных самалётаў над Азоўскім морам

label.reaction.like
97
label.reaction.facepalm
0
label.reaction.smile
3
label.reaction.omg
2
label.reaction.sad
4
label.reaction.anger
3