Чарга да магілы Аляксея Навальнага на трэці дзень пасля пахавання. Фота: SOTA
Першай затрыманай стала жыхарка Масквы, паведаміў канал «ОВД-Инфо». Яна трапіла на відэа, на якім гучала фраза «Героям слава». Сілавікі прыходзілі да яе дадому яшчэ 1 сакавіка, але яна была за горадам, таму затрымалі яе толькі пасля вяртання 3 сакавіка. Жанчына правяла ноч у аддзеле паліцыі, яе аштрафавалі на паўтары тысячы расійскіх рублёў (каля 55 беларускіх) па артыкуле аб дэманстрацыі забароненай сімволікі (ч.1 арт. 20.3 КаАП).
Раніцай у аўторак, 5 сакавіка, паліцыянты затрымалі яшчэ аднаго жыхара Масквы Ягора Комлева на выхадзе з дому. Яго павезлі ў аддзел паліцыі, сфатаграфавалі і забралі пашпарт. Невядома, які артыкул яму ставяць у віну.
Таксама ў аўторак супрацоўнікі Цэнтра па супрацьдзеянні экстрэмізму затрымалі жыхарку Масквы Алену Грыбкову. Яна наведвала пахаванне Навальнага 1 сакавіка. Артыкул, які ёй ставяць у віну, таксама невядомы.
Як распавёў «Агентству» прэс-сакратар «ОВД-Инфо» Дзмітрый Анісімаў, пра тэндэнцыі казаць яшчэ рана, аднак яшчэ ў дзень пахавання праект папярэджваў, што затрыманнямі непасрэдна на акцыі, верагодна, пераслед удзельнікаў не абмяжуецца. Анісімаў адзначыў, што
сістэма распазнання асоб у Маскве «дае магчымасць прасачыць шлях кожнага чалавека наўпрост да яго падʼезда».
Усяго ў дзень развітання з Навальным у гарадах Расіі затрымалі 113 чалавек. У Маскве затрымалі толькі 17 чалавек.
Чытайце таксама:
Ала Пугачова апублікавала пост пасля смерці Навальнага
У Расіі выдалілі спасылкі на трэк Васі Абломава, прысвечаны Навальнаму
