ДАІ не дае спыняцца прыватнаму транспарту на Кастрычніцкай плошчы 3

На сваіх двух на плошчу пакуль можна патрапіць без перашкодаў.

Як паведамляе карэспандэнт «Нашай Нівы», на Кастрычніцкую плошчу доступ для пешаходаў пакуль не заблакаваны. Няма ані турнікетаў, ані ланцугоў міліцыі. На плошчы грае музыка, людзі катаюцца на каньках. Але з боку самой плошчы ад Палацу прафсаюзаў і да ўнівермага «Цэнтральны» праз кожныя 10-15 метраў стаяць супрацоўнікі ДАІ. Яны не даюць спыняцца з гэтага боку плошчы прыватнаму транспарту, нават маршруткам. На Кастрычніцкай спыняюцца толькі гарадскія аўтобусы №100.

АП, nn.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ