4 красавіка следчае ўпраўленне папярэдняга расследавання ГУУС Мінгарвыканкама прад’явіла абвінавачанні найбольш актыўным удзельнікам масавых беспарадкаў 19 снежня 2010 года.
Як паведаміла ўпраўленне інфармацыі і грамадскіх сувязяў МУС Беларусі, абвінавачанне ва ўчыненні злачынства, прадугледжанага ч. 2 арт. 293 КК (масавыя беспарадкі) прад’яўлена члену ініцыятыўнай групы кандыдата ў прэзідэнты на
Астатнім найбольш актыўным удзельнікам масавых беспарадкаў — Паўлу Вінаградаву, Уладзіміру Хамічэнку і Андрэю Федаркевічу — абвінавачанне будзе прад’яўлена 5 красавіка 2011 года.
Следствам устаноўлена, што дзеянні абвінавачваных, якія суправаджаліся знішчэннем маёмасці, «былі скіраваныя на супрацьпраўнае пранікненне ў Дом урада шляхам нанясення пашкоджанняў адміністрацыйнаму будынку дзяржаўнай установы „Галоўнае гаспадарчае ўпраўленне“ Кіраўніцтва справамі прэзідэнта Рэспублікі Беларусь, гаворыцца ў паведамленні УІГС МУС.
МУС таксама аспрэчвае паведамленні ў СМІ, што з’явіліся пасля падзей 19 снежня, аб тым,
што Андрэй Федаркевіч і Уладзімір Хамічэнка з’яўляліся"правакатарамі і агентамі беларускіх праваахоўных структур».
Падчас следства ўстаноўлены ўсе факты іх супрацьпраўнай дзейнасці і аспрэчана інфармацыя пра іх дачыненне да праваахоўных органаў, сцвярджаюць у МУС.
УІГС МУС заяўляе: «Следства лічыць, што віна ўказаных асоб у дзеяннях, што інкрымінуюцца ім, поўнасцю пацвярджаецца аб’ектыўнай доказнай базай, атрыманай падчас расследавання крымінальных спраў і заснаванай на паказаннях іншых абвінавачаных, сведак, фота- і відэаматэрыялах, а таксама іншых неабвержных доказах. Усе названыя вышэй асобы разам з адвакатамі найбліжэйшым часам будуць азнаёмлены з матэрыяламі крымінальных спраў, якія ў адпаведнасці з заканадаўствам будуць накіраваны ў суд праз органы пракуратуры».
