Італьянскі спявак Тота Кутуньё 6 красавіка дасць у Мінску адзіны канцэрт.
Як паведаміў спявак на
5 красавіка ў Палацы Рэспублікі прайшла рэпетыцыя выступлення. Тота Кутуньё застаўся задаволены акустыкай залы, адзначыў добрую падрыхтоўку музыкантаў аркестра, у тым ліку маладых. Падчас канцэрта спявак выканае вядомы беларускі хіт «А я лягу, прылягу», які ён упершыню прэзентаваў у 2010 годзе на фестывалі «Славянскі базар у Віцебску». Паводле слоў выканаўца,
для італьянцаў цяжкаватае беларускае вымаўленне, тады як беларусы досыць хутка вывучаюць італьянскую мову.
Спявак адзначыў, што прыязджае ў краіны былога СССР з 1986 года. «Расія вельмі змянілася, стала больш заходняй, амерыканізаванай, — сказаў ён. — І калі суседнія краіны мяняюцца, то Беларусь засталася са сваёй палітыкай». Паводле слоў выканаўцы, у Мінску засталася рамантычнасць, якой няма ў Маскве. «У дзяўчат у вачах ёсць нешта, што прыцягвае, як быццам яны пра штосьці мараць, бачаць сны», — сказаў ён пра беларусак. Тота Кутуньё параіў ім марыць і далей, бо «рана ці позна мары становяцца рэальнасцю».
Паводле слоў музыканта, за сваё жыццё ён напісаў больш за 300 песень, каля 50 з іх яшчэ не выйшлі ў свет. «Многія песні — гэта гісторыі майго жыцця, многія — гэта гісторыі, якія я хацеў бы пражыць», — сказаў выканаўца. Тота Кутунья іграе на гітары,
Як расказаў Тота Кутуньё, нядаўна ён напісаў кнігу рамансаў пра каханне, якая атрымала назву «На крылах надзеі», але пакуль не аддаў яе ў выдавецтва. Ён таксама паведаміў, што займаецца праектамі па прасоўванні маладых музыкантаў — бярэ ўдзел у арганізацыі розных конкурсаў і фестываляў.