Чакаецца, што сёння пройдуць суды над грамадзянамі, затрыманымі вечарам 13 ліпеня падчас акцыі маўклівага пратэсту. Гэта была ўжо сёмая акцыя, арганізаваная.інтэрнэт-супольнасцю «Рэвалюцыя праз сацыяльныя сеткі»
Паводле даных праваабаронцаў, па ўсёй краіне было затрымана не менш як 100 чалавек, сярод іх як мінімум 25 — у Мінску. Частку затрыманых, у тым ліку журналістаў, праз некалькі гадзін адпусцілі, на астатніх складзены пратаколы на падставе артыкула 17.7 Кодэкса аб адміністрацыйных правапарушэннях (дробнае хуліганства).
Цяпер праваабаронцы спрабуюць высветліць, у якіх судах пройдуць працэсы.
Прадстаўнікі праваахоўных органаў сітуацыю з затрыманнямі традыцыйна не каментуюць.
***
Нагадаем, у Мінску акцыя маўклівага пратэсту праводзілася ў новым фармаце: удзельнікам было прапанавана сабрацца ў шасці буйных гандлёвых цэнтрах, размешчаных у розных мікрараёнах горада, а затым накіравацца да бліжэйшай станцыі метро, даехаць да плошчы Перамогі, Нацыянальнай акадэміі навук і рухацца насустрач адзін аднаму, не апладзіраваць, як гэта было падчас папярэдніх акцый, каб не правакаваць міліцыю. У выніку дзве групы людзей, якія ішлі насустрач адна адной, сустрэліся на плошчы Якуба Коласа. Акцыя завяршылася ў 20.00 звонам будзільнікаў на мабільных тэлефонах, пасля чаго пачалася актыўная фаза затрыманняў.
Як і падчас папярэдніх акцый, затрыманні праводзілі невядомыя ў цывільным, яны таксама груба перашкаджалі працы журналістаў, найперш фота- і відэааператараў. Падзеі выклікалі абурэнне з боку прахожых. За ўсім, што адбывалася на плошчы, назіраў намеснік начальніка ГУУС Мінгарвыканкама — начальнік міліцыі грамадскай бяспекі Ігар Яўсееў. Ад зносін з журналістамі ён адмаўляўся.
За некалькі гадзін да пачатку акцыі і падчас яе правядзення доступ у сацыяльную сетку «УКантакце», дзе ўтварылася
