Кадр з фільма: галоўнага героя забіраюць у войска, медкамісія. Фота Sasza Reznikow, Facebook.com.
«Ці сапраўды фільм за $2 мільёны будзе пра Франака Вячорку?» — адказ на гэтае пытанне «Еўрапейскаму радыё для Беларусі» спрабаваў даць рэпер Vinsent (Зміцер Папко), які выконвае ў фільме галоўную ролю.
Ці сапраўды фільм за $2 млн будзе пра Франака Вячорку?
«Гэты фільм не пра Франака Вячорку насамрэч.
Там у гісторыі, канешне ж, ёсць нейкія дэталі з яго жыцця,але ўвогуле гэта зборны вобраз чалавека, які імкнецца да свабоды, да волі», — растлумачыў ён. «Але я не магу расказваць усе акалічнасці сцэнару», — удакладніў Вінсэнт.
«Ці праўда, што табе плацяць 1000 еўра за адзін здымачны дзень?», — спытала ў яго журналістка Аня Балаховіч. Адказаць Vinsent не здолеў, даводзячы, што не ведае нават памеру свайго ганарара: «Я не магу каментаваць грашовыя пытанні, таму што я папросту не маю інфармацыі пра грошы…» —
«То бок табе яшчэ не заплацілі?» — «Гэта калі ласка, пытайцеся ў прадусара, а я не ведаю нічога».