Ад 26 студзеня ў кінатэатрах Мінска можна ўбачыць трылер Джо Карнахана «Сутычка» з Ліамам Нісанам у галоўнай ролі. У карціне герой адзін вымушаны процістаяць самой прыродзе: падзеі разгортваюцца на заснежаных прасторах Аляскі.
Час ад часу амерыканскія кінематаграфісты бяруцца за жанр «застацца ў жывых» і здымаюць стужкі, дзе чалавек або група асоб пасля катастрофы (часцей за ўсё авія) павінны змагацца за існаванне ў незнаёмых месцах.Ядуць яны ягады або самастойна злоўленую рыбку, а вогнішча распальваюць, як першабытныя жыхары планеты. Мець зносіны бывае няма з кім — суразмоўцу замяняе фотаздымак каханай.
Акцэнт у фільмах робіцца на сілу чалавечага духу, але не толькі.
Напрыклад, у карціне «Жывыя» (заснаванай на рэальных падзеях) перад людзьмі, якія апынуліся ў гарах, паўстала маральная дылема: памерці з голаду ці звярнуцца да канібалізму. Фільм «На мяжы» з Энтані Хопкінсам і Алекам Болдуінам распавядаў, як два героі змагаліся не толькі з драпежным мядзведзем, але і адзін з адным. Бо яны былі закаханыя ў адну дзяўчыну, а смерць кожнага з іх можна было б спісаць на ўмовы тайгі… «Сутычка» Джо Карнахана злучыць у сабе шэраг падтэмаў. Тут будзе і вера героя ў магчымасць зноў абняць жонку, і процістаянне з драпежнымі звярамі, і ўзаемаадносіны людзей у няпростай сітуацыі.
Да гэтага адсылае і назва ў арыгінале: «The Grey» — у перакладзе «Шэры», што відавочна намякае на ваўчыную сутнасць чалавека. АднакКарціна з Ліамам Нісанам напэўна будзе адлюстроўваць (у даступнай, спрошчанай форме!) экзістэнцыйную праблематыку: як будзе паводзіць сябе чалавек у памежнай сітуацыі, твар у твар са смерцю, у каго ён ператворыцца?
дапамогуць выжыць герою не толькі звярыныя інстынкты, але і сапраўдныя чалавечыя якасці — вера, надзея, каханне.
Таксама з 26 студзеня ў пракат выходзіць гістарычная драма Стывена Спілберга «Баявы конь», камедыя «Вельмі небяспечная штучка» і два аўтарскія праекты —
