Вечарам 7 лютага ў Баранавічах (Брэсцкая вобласць) з улёткамі затрымалі двух актывістаў арганізацыі «Малады фронт» (афіцыйна зарэгістраванай у Чэхіі) Яраслава Грышчэню і Вадзіма Вашкевіча.
Юнакі распаўсюджвалі ўлёткі эканамічнай тэматыкі, у якіх была прыведзена табліца з інфармацыяй пра рост курсу даляра за апошнія 10 гадоў у 10 раз і пра павелічэнне міжнароднай завінавачанасці Беларусі ў шэсць разоў за апошнія пяць гадоў.
«Нашы дзеці будуць нам і нашаму ўраду ўдзячныя за моцную і квітнеючую Беларусь, адпрацоўваючы даўгі за мяжой», — паведамляюць ва ўлётках баранавіцкія маладафронтаўцы.
На гэты час лёс затрыманых невядомы.
0
0
0
0
0
0
