Экс-сенатар ЗША Рык Санторум стаў пераможцам галасавання (кокусы) сярод чальцоў Рэспубліканскай партыі ў штаце Мінесота. Акрамя таго, у аўторак ён атрымаў перамогу на праймерыз у штаце Місуры.
Таксама ў аўторак прайшлі кокусы ў штаце Каларада, аднак іх вынікі пакуль не вядомыя.
У ходзе сходаў выбаршчыкаў і папярэдніх выбараў у кожным з амерыканскіх штатаў вызначаецца адзіны кандыдат у прэзідэнты ад Рэспубліканскай партыі.
Пакуль больш за ўсё шанцаў, на думку экспертаў, у Міта Ромні, аднак няўдачы ў Мінесоце і Місуры могуць пахіснуць яго пазіцыі.
Былы губернатар Масачусетса Міт Ромні перамог на праймерыз у Фларыдзе і Нью-Гэмпшыры, у Аёве перамог Санторум. Гінгрыч перамог у Паўднёвай Караліне.
0
0
0
0
0
0
