Міжнародная дапамога "можа мець вялікае значэнне для беларускіх людзей у гэтыя цяжкія часы", лічыць еўракамісар па пытаннях пашырэння і еўрапейскай палітыцы добрасуседства Штэфан Фюле.Аб гэтым ён заявіў у Бруселі на нефармальнай сустрэчы міжнародных донараў па Беларусі, арганізаванай Еўрапейскай службай знешняга дзеяння і Еўракамісіяй, паведамляе прэс-служба еўракамісара.
"Менавіта таму ЕС узяў на сябе ініцыятыву ў каардынацыі намаганняў міжнародных донараў у дачыненні да Беларусі, — сказаў Фюле. — Сённяшняя сустрэча дала нам магчымасць абмяняцца меркаваннямі і ацэнкамі, каб зрабіць максімальнай наш дапамогу".
У мерапрыемстве ўзялі ўдзел дзяржаўныя дзеячы, прадстаўнікі няўрадавых арганізацый і грамадзянскай супольнасці, уцягнутыя ў рэалізацыю праектаў у Беларусі. Сустрэча з'яўляецца часткай намаганняў ЕС павялічыць эфектыўнасць дапамогі Беларусі ў цяперашняй сітуацыі, падкрэсліваецца ў паведамленні прэс-службы.
0
0
0
0
0
0