30 кастрычніка ў Мінску адбылося пасяджэнне круглага стала, прысвечанае абмеркаванню зменаў, прапанаваных у закон аб ахове здароўя ў інтарэсах дэмаграфічнага развіцця Беларусі.
У сувязі з ініцыятывай Міністэрства аховы здароўя аб абмеркаванні новага законапраекта грамадскія, рэлігійныя арганізацыі палічылі неабходным унесці свае прапановы.
«Прапановы тычацца большай часткай абароны жыцця чалавека з моманту зачацця да натуральнай смерці і аховы здароўя, — паведаміла навуковы супрацоўнік Цэнтра праблем развіцця адукацыі БДУ Таццяна Тарасевіч. — Ва ўмовах няпростай дэмаграфічнай сітуацыі ў Беларусі неабходна, на наш погляд, прыняць шэраг першачарговых мер. У першую чаргу гэта тычыцца штучнага перарывання цяжарнасці.
Згодна са звесткамі Міністэрства аховы здароўя, з 1990 па 2010 год страты ад абортаў склалі 2 млн. 700 тысяч жыццяў. Мы спадзяемся, што нашы прапановы знойдуць водгук».
Тарасевіч паведаміла, што прапануецца выключыць з законапраекта магчымасць прымянення штучнага перарывання цяжарнасці, якая, на яе погляд, непрымальная з маральнага пункту гледжання. «Гэта гвалтоўнае спыненне жыцця чалавека, — сцвярджае яна, — з гэтым ніводная царква згадзіцца не можа».
Шэраг прапаноў тычыцца сучасных дапаможных рэпрадуктыўных тэхналогій, якія, на думку прадстаўнікоў цэркваў, супярэчаць маралі, сямейным каштоўнасцям і традыцыям сям’і.«Да дапушчальных сродкаў медыцынскай дапамогі можа быць аднесена толькі штучнае апладненне палавымі клеткамі мужа (штучная інсемінацыя), бо яно не парушае цэласнасці шлюбу, не адрозніваецца прынцыповым чынам ад натуральнага зачацця і адбываецца ў кантэксце сямейных адносінаў», — гаворыцца ў рэзалюцыі, прынятай удзельнікамі круглага стала.
На іх думку, трэба выключыць з праекта закона і паняцце «сурагатнае мацярынства», бо яно «прадугледжвае разбурэнне глыбокай эмацыянальнай і духоўнай блізкасці, што ўстанаўліваецца паміж маці і дзіцем ужо падчас цяжарнасці», а таксама ўсе метады экстракарпаральнага апладнення, звязаныя са знішчэннем «лішніх» эмбрыёнаў.
На пытанне аб пазіцыі касцёла адносна абортаў генеральны вікарый
Адносна ж такой з’явы, як перарыванне цяжарнасці, касцёл нязменны — ён заўсёды абараняў жыццё ад самага зачацця і ніколі не будзе падтрымліваць аборты».
«Пазіцыя праваслаўнай царквы ў гэтым пытанні не мянялася на працягу ўсяго яе існавання, — сцвярджае
Такая наша пазіцыя і цяпер: аборт ёсць зло і супярэчыць хрысціянскаму веравучэнню».
Удзельнікі круглага стала звярнуліся да грамадскіх, дзяржаўных, камерцыйных арганізацый, грамадзян і дзяржслужачых з заклікам зрабіць неадкладныя захады, скіраваныя на абарону і захаванне жыцця і здароўя чалавека, сям’і, грамадства.
