У Мінску прайшла сумесная прэс-канферэнцыя «Мінск-Крышталь» і «Nemiroff».
У Мінску прайшла сумесная прэс-канферэнцыя «Мінск-Крышталь» і «Nemiroff».
Старшыня савета дырэктараў Nemiroff Holding Limited Якаў Грыбаў.
У Мінску прайшла сумесная прэс-канферэнцыя «Мінск-Крышталь» і «Nemiroff».
Гендырэктар «Мінск-Крышталь» Станіслаў Іодзіс.
У Мінску прайшла сумесная прэс-канферэнцыя «Мінск-Крышталь» і «Nemiroff».
У Мінску прайшла сумесная прэс-канферэнцыя «Мінск-Крышталь» і «Nemiroff».
У Мінску прайшла сумесная прэс-канферэнцыя «Мінск-Крышталь» і «Nemiroff».
13 лістапада «Мінск-Крышталь» і «Nemiroff» зладзілі прэс-канферэнцыю, дзе абвясцілі пра заключэнне ліцэнзійнага пагаднення. У Мінску будуць выпускаць лінейку гарэлак: «Няміраўская пшаніца ўкраінская адборная», «Няміраўская «Лімон», «Няміраўская асаблівая «Бруснічны ліст» і «Няміраўская «Мядовыя сухарыкі».
Ментальныя партнёры
На прэс-канферынцыі, якая прайшла ў гатэлі «Crowne Plaza», кіраўнікі «Мінск-Крышталь» і «Nemiroff» рабілі адзін аднаму кампліменты. Гучалі словы пра саюз «роўных і моцных», пра тое, што было шмат «гарачых спрэчак», але ў выніку мы сталі «не проста кампаньёнамі», але «ментальнымі партнёрамі».
Старшыня рады дырэктараў Nemiroff Holding Limited Якаў Грыбаў агучыў тры асноўныя пункты, на якіх будзе грунтавацца супрацоўніцтва з мінскім партнёрам.
Першае. «Мінск-Крышталь» пачынае выпуск рэстайлінгавай прадукцыі «Nemiroff» для патрэбаў беларускага рынка.
Другое. «Nemiroff» бярэ на сябе абавязак экспартаваць разлітую ў Беларусі гарэлку за межы краіны. У тым ліку і ўласныя брэнды мінскага партнёра.
Трэцяе. У І квартале 2013 года ўкраінскі партнёр інвестуе ў вытворчасць паўмільёна даляраў.
14 мільёнаў пляшак па 0,5
Паводле пагаднення, у Беларусі «Nemiroff» мае выпусціць каля 700 тысяч дал гарэлкі, што складае каля 14 мільёнаў паўлітровых пляшак. Сярэдні рознічны кошт пляшкі разлітай у нас няміраўскай гарэлкі складзе каля 47 тысяч рублёў.
«Дык і не надта дорага!» — прагучала рэпліка з боку журналістаў. Аднак, кіраўнік «Nemiroff» менш аптымістычны. На яго думку, з такой цаной трэба будзе моцна пастарацца, каб выканаць планы па заваёве 7-10% гарэлачнага рынка Беларусі.
Гендырэктар «Мінск-Крышталь» Станіслаў Іодзіс бачыць у пашырэнні лінейкі адносна дарагіх гарэлак пазітыўны момант, здольны палепшыць здароўе нацыі.
«Я нарадзіўся ў СССР»
Якава Грыбава не палохае той факт, што Беларусь уступіла ў мытны саюз з Расіяй і Казахстанам. Найперш ён прызнаўся, што асабіста вітае такі крок і зусім не супраць, каб да гэтай кампаніі далучылася Украіна. Ён дагэтуль лічыць СССР вялікай дзяржавай і вітае спробы аб’яднацца яе былых краін-удзельніц.
Рынак Казахстана Якаў Грыбаў ацэньвае, як вельмі перспектыўны. Кампанія ўжо зараз распрацоўвае планы выхаду на гарэлачны рынак гэтай краіны за кошт беларускіх і расійскіх прадстаўніцтваў.
«Можаце крыўдзіцца, але Беларусь — гэта аазіс»
Большую частку інвестыцый у Мінску «Nemiroff» накіруе на абарону ад падробак у Расіі.
«Можаце крыўдзіцца, можаце не крыўдзіцца, але Беларусь для мяне — сапраўдны аазіс законапаслухмянасці», — шчыраваў Якаў Грыбаў.
Ён не перажывае за тое, што якасць ягонай прадукцыі з часам можа знізіцца, на што намякнуў адзін з прадстаўнікоў прэсы. «Забудзьцеся на тыя часы, калі такое здаралася. Цяпер час канкурэнцыі, а таму не трэба каля кожнага тэхнолага ставіць кантралёра. Бо кожны выдатна разумее — упадуць продажы, упадзе і заробак».
У сваю чаргу, Станіслаў Іодзіс не аднойчы цягам прэс-канферэнцыі запэўніў сваіх партнёраў, што ім зусім не варта перажываць за якасць гарэлкі.
* * *
«Мінск-Крышталь» — у чэрвені наступнага года адзначыць 120-годдзе працы. Адзін з найбуйнейшых вытворцаў віна-гарэлачнай прадукцыі. Экспартуе гарэлку ў 34 краіны свету, сярод якіх Перу, Іран і Дамініканская Рэспубліка. У планах — заваёва рынкаў Аўстраліі і Новай Зеландыі.
«Nemiroff» — 20 гадоў на рынку. Прадае гарэлку ў 75 краін свету. На Украіне валодае 17% рынку паводле аб’ёмаў выпуску прадукцыі і 21% у грашовым эквіваленце.
