Stała viadoma imia piataha zahinułaha na krejsiery «Maskva» maraka. Minabarony RF śćviardžała, što zahinuŭ tolki adzin
Minabarony RF pacvierdziła hibiel starejšaha mičmana Dźmitryja Čaramiskina, jaki z krasavika ličyŭsia źnikłym biez viestak paśla zatapleńnia fłahmana Čarnamorskaha fłotu. Pra heta th-kanału «Možiem ob'iasnit» paviedamiła jaho žonka Nadzieja Mierźlakova.
27.08.2022 / 16:45
«11 žniŭnia na ruki addali paśviedčańnie ab śmierci», — raspaviała jana. Čaramiskin kamandavaŭ elektramiechaničnaj bajavoj častkaj karabla. Pra toje, što marak prapaŭ biez viestak paśla zatapleńnia «Maskvy», jaho svajaki paviedamlali jašče ŭ mai. Tady jany byli ŭpeŭnienyja, što mičman nie vyžyŭ.
Čaramiskin — heta piaty pacvierdžany zahinuły z krejsiera, raniej paviedamlałasia ab hibieli matrosa terminovaj słužby Ivana Francina, Ivana Vachrušava i Jahora Škrabca. Niekatoryja ź ich ličylisia prapaŭšymi biez viestak.
Pry hetym Minabarony Rasii pieršapačatkova śćviardžała, što pry zatapleńni krejsiera zahinuŭ tolki adzin marak.
Krejsier «Maskva» zatanuŭ 14 krasavika na šlachu pamiž Sievastopalem i vostravam Źmiainy.