U rasijskim Biełharadzie praviarajuć padvały na vypadak rakietnaha ŭdaru USU
U Biełharadskaj vobłaści pravierać, ci hatovyja padvały da mahčymaha časovaha raźmiaščeńnia ludziej u vypadku masiravanych rakietnych udaraŭ z boku Ukrainy, paviedamlajecca na sajcie rehijanalnaha ŭrada.
14.10.2022 / 17:50
Zdymak ilustracyjny. Fota: Alaksiej Furman / Getty Images
«Budu praviarać asabista, ci jość infarmacyja ŭ žycharoŭ: dzie znachodziacca klučy ad padvałaŭ, budu hladzieć na stan samich padvałaŭ», — zajaviŭ miascovy hubiernatar Viačasłaŭ Hładkoŭ.
Akramia hetaha, rehijanalnyja ŭłady abaviazvajucca arhanizavać raspaŭsiudžvańnie infarmacyi pra toje, jak pavodzić siabie pry abstrełach, jakija byvajuć miny i što rabić pry ich vyjaŭleńni, a taksama ab praviłach akazańnia pieršaj dapamohi. Takaja infarmacyja budzie raspaŭsiudžvacca na pradpryjemstvach, u škołach i balnicach, sacyjalnych ustanovach, a taksama praź ŚMI i internet.
«Važna, kab kožny žychar vobłaści razumieŭ, što jamu rabić i jak siabie pavodzić u toj ci inšaj ekstremalnaj situacyi. Na žal, takija patrabavańni času», — zajaviŭ Hładkoŭ.
Z pačatku kastryčnika ŭłady Biełharodskaj vobłaści stali ŭsio čaściej paviedamlać pra abstreły, jak śćviardžajecca, z boku Ukrainy. Napiaredadni, 13 kastryčnika, paciarpieŭ šmatpaviarchovik u Biełharadzie, a paźniej u toj ža dzień hubiernatar Hładkoŭ paviedamiŭ, što ŭ vyniku abstrełu razburany pamiežny punkt u horadzie Šebiekina na miažy z Ukrainaj. Uviečary ž u adnym z pasiołkaŭ Biełharadskaj vobłaści adbyŭsia vybuch na składzie bojeprypasaŭ, jość zahinułyja i paranienyja.