Святлана Ціханоўская прывітала рашэнне Польшчы ўвесці новыя санкцыі супраць прадстаўнікоў рэжыму
Святлана Ціханоўская лічыць, што пашырэнне санкцый на сотні рэжымных функцыянераў, сілавікоў і іх памагатых — «пасланне ўсім тым, хто падтрымлівае рэжым на сваіх пасадах і сваімі дзеяннямі».
29.05.2023 / 17:34
«Гэта важны жэст салідарнасці з Андрэем Пачобутам і ўсімі беларусамі, якія пакутуюць ад рук рэжыму. Усе палітычныя зняволеныя павінны быць вызваленыя з турмаў без аніякіх умоваў.
Гэта таксама пасланне ўсім тым, хто падтрымлівае рэжым на сваіх пасадах і сваімі дзеяннямі. Мы спадзяемся, што іншыя краіны таксама возьмуць сабе гэты прыклад, і вінаватыя ў палітычных прысудах панясуць адказнасць за свае дзеянні», — цытуе Святлану Ціханоўскую яе прэс-служба.
Сёння стала вядома, што Польшча ўвяла санкцыі супраць 365 беларускіх чыноўнікаў, сілавікоў і супрацоўнікаў дзяржаўных медыя, адказных за палітычныя рэпрэсіі ў Беларусі.
Чытайце таксама:
Дэпутаты Палаты прадстаўнікоў у Еўрапейскім судзе патрабавалі зняць з іх санкцыі. Не атрымалася
Прафсаюзы свету заклікалі ўвесці поўную эканамічную блакаду лукашэнкаўскага рэжыму
Польшча можа забараніць рух праз мяжу грузавікоў з беларускімі і расійскімі нумарамі