У Газе зноў пачаліся масіраваныя бамбардзіроўкі. Журналісты паведамляюць пра знікненне сувязі і інтэрнету
Карэспандэнты некалькіх СМІ, якія працуюць у Газе, паведамілі пра чарговы абстрэл яе паўночнай часткі, пасля якога ў сектары практычна зніклі тэлефонная сувязь і інтэрнэт.
27.10.2023 / 19:56
Ізраільскі удар па жылым доме ў горадзе Газа. Фота: Fatima Shbair / AP
Пра перабоі з сувяззю на фоне інтэнсіўных бамбардзіровак паведамляецца таксама ў твітары незалежнага праекта па маніторынгу шатдаўнаў Netblocks, паведамляе tvrain.ru.
Пра гэта паведамляе агенцтва AFP са спасылкай на сваіх журналістаў і відэа. Карэспандэнт Al Arabiya называе бамбаванне ў Газе адной з самых інтэнсіўных з 7 кастрычніка, дня, калі ХАМАС атакаваў Ізраіль.
Журналіст Al Jazeera піша, што журналісты чуюць абстрэлы паўсюль, але нічога не ведаюць ні пра ахвяры, ні пра сітуацыю на месцах. «Цяпер мы знаходзімся ў бальніцы [Аль-Шыфа] і будзем весці прамую трансляцыю праз спадарожнік столькі, колькі зможам», — перадае Al Jazeera паведамленне свайго карэспандэнта Тарэка Абу Азума. Паводле яго, у Газе не працуюць ні тэлефонная сувязь, ні інтэрнэт.
Рэдакцыя Al Jazeera дадае, што пасля нанесенага па Газе ўдару зносіны з карэспандэнтамі пастаянна перарываецца.
У гэты ж час пачаўся масіраваны абстрэл Тэль-Авіва і яго ваколіц, у горадзе гучаць сірэны паветранай трывогі.
Чытайце таксама:
ХАМАС маніць? Прадстаўнік Ізраіля паставіў пад сумнеў колькасць загінулых у Газе
ХАМАС паведаміў пра смерць 50 закладнікаў
Ізраіль асудзіў візіт прадстаўнікоў ХАМАС у Расію і заклікаў «неадкладна выгнаць тэрарыстаў»
Байдэн: Палесціна і Ізраіль павінны існаваць мірна ў якасці дзвюх незалежных краін