У матчы 23-га тура чэмпіянату Беларусі па футболе мінскае «Дынама» на стадыёне «Трактар» выйграла ў «Крумкачоў» з лікам 2:0.
У дынамаўцаў вызначыліся Арцём Быкаў і Уладзімір Хвашчынскі.
«Крумкачы» не перамагалі ў чэмпіянаце з 31 ліпеня, затым былі дзве нічыі і пяць паразаў. Клуб займае 10-ы радок.
Сёння БАТЭ разграміў «Нафтан» з лікам 4:1, салігорскі «Шахцёр» выйграў у «Віцебска» — 1:0. Адрыў БАТЭ ад салігорцаў застаецца ў 15 балаў.
