На тэрыторыі Соснаўскай участковай бальніцы разарваўся ацяпляльны кацёл
12 лістапада ў 21.40 паступіла паведамленне аб разрыве цеплаабменніка ацяпляльнага катла на цвёрдым паліве 2005 года выпуску ў будынку кацельні на тэрыторыі ўчастковай бальніцы ў вёсцы Сосны Любанскага раёна Мінскай вобласці.
Як паведамляе прэс-служба Мінскага абласнога ўпраўлення МНС, пацярпелых няма, будынак кацельні не пашкоджаны, піша БелаПАН.
У 23.30 быў падключаны рэзервовы кацёл, а ў 23.47 цеплазабеспячэнне бальніцы адноўлена ў поўным аб'ёме.
Як мяркуецца, прычына разрыву — механічны знос вентыльнай засаўкі.
