Ab hetym Alaksandr Łukašenka zajaviŭ 10 śniežnia na sustrečy ź pieršym sakratarom Centralnaha kamiteta HA «Biełaruski respublikanski sajuz moładzi» Iharam Buzoŭskim.
«Ja nie źbirajusia ad
«Kamuści jon padabajecca, kamuści nie padabajecca, ale prykładna paŭmiljona čałaviek siońnia źjaŭlajucca realnymi členami Biełaruskaha respublikanskaha sajuza moładzi, jakija majuć členskija bilety i płaciać uznosy.I niachaj heta nievialikija ŭznosy, vialikija i nie treba, moža, ciapier, chto choča bolš dapamahčy, toj dapamoža, sprava nie va ŭznosach, ale heta realnaja kolkaść», — skazaŭ jon.
«Ja pracavaŭ u kamsamole ŭ savieckija časy i razumieju, što nie ŭsio adnaznačna ŭ arhanizacyi, bo heta moładź, i hetym usio skazana. Moładź jość moładź», — adznačaŭ Łukašenka.
Alaksandr Łukašenka źviarnuŭ uvahu na toje, što BRSM, jak i arhanizacyja «Biełaja Ruś», — heta rezierv kadraŭ dla režymu.
«U častcy Kamiteta dziaržbiaśpieki, MUS, usich pravaachoŭnych orhanaŭ my vyjdziem na toje, što patrebna budzie rekamiendacyja Sajuza moładzi, kab pracavać na hetaj nivie, i tamu ŭ hetym płanie budzie ŭzmacniacca rola maładziožnaj arhanizacyi», — skazaŭ jon.
Choć biełaruskaja Kanstytucyja zabaraniaje dyskryminacyju ludziej pa palityčnych pohladach, praviły nakštałt hetaha faktyčna zamacoŭvajuć padzieł na hramadzian pieršaha i druhoha hatunku.
Hladzi taksama: Na kantrakt u vojska? Taksama tolki praz BRSM