Francuzski horad Nant stanie ekałahičnaj stalicaj Jeŭropy ŭ 2013 hodzie.Ekałahičnaja stalica Jeŭropy vybirajecca na padstavie adzinaccaci kryteraŭ. Z 2010 hoda hetaha zvańnia ŭdastoilisia Stakholm, Hamburh, Vitoryja i Nant, jaki ŭ 2014 hodzie pieradaść estafietu Kapienhahienu.
Nant - staradaŭni handlovy port, jaki prajšoŭ doŭhi šlach z tych časoŭ, jak u 1970-ja hady byŭ vymušany admovicca ad ciažkaj pramysłovaści.Horad staić u vuście Łuary, u samym sercy unikalnaj pryrodnaj zony ź vilhotnym klimatam. Na terytoryi ahłamieracyi znachodziacca čatyry zapaviedniki. Usie raźmieščanyja na sušy i ŭ mory pryrodnyja kompleksy niepaŭtornyja, pakolki ich zasialajuć redkija vidy žyvioł i raślin, jakija znachodziacca na miažy źniknieńnia. Heta śviedčyć pra toje, što ekanamičnaje raźvićcio nie pieraškadžaje aściarožnamu abychodžańniu z navakolnym asiarodździem, havorycca ŭ dakładzie žury Jeŭrapiejskaj kamisii.
U Nancie ŭžo zapuščana niekalki pieradavych prajektaŭ u halinie abarony klimatu ad źmien i zachavańnia bijaraznastajnaści.Bolšaść idej prapanujuć žychary horada, asacyjacyi i pradpryjemstvy. Mnohija prajekty ŭ halinie ŭstojlivaha raźvićcia raspracoŭvajuć francuzskija i mižnarodnyja pracoŭnyja hruppy.
0
0
0
0
0
0
