Pavodle padlikaŭ Jeŭrastata, try z čatyroch siemjaŭ Jeŭrasajuza majuć dostup da internetu. Try hady tamu hety pakazčyk składaŭ 66%, a ŭ 2006 hodzie — 49%.
Siarod lidaraŭ — Hałandyja (94%), Luksiemburh (93%), Danija (92%).U cełym na kantyniencie najbolšy ŭzrovień praniknieńnia internetu maje Isłandyja (95% siemjaŭ).
Najhoršyja ŭ hetym płanie krainy Jeŭrasajuza — Bałharyja (51%), Rumynija i Hrecyja (pa 54%). Admietna, što ŭ kožnaj z 27 krainaŭ Jeŭrasajuza, bolš za pałovu nasielnictva maje dostup da sieciva.
Najbolš papularnym zaniatkam u internecie źjaŭlajecca adpraŭleńnie elektronnaj pošty (89% karystalnikaŭ) i pošuk infarmacyi pra tavary (83%).
Naviny ŭ anłajnie čytajuć 61% karystalnikaŭ, pryčym u Litvie i Estonii hety pakazčyk skłaŭ 92% i 91% adpaviedna. Jany lidary Jeŭrasajuza pa hetym pakazčyku.
0
0
0
0
0
0
