Dzianis Kurjan zapuskaje na ANT pieradaču «Ja lublu Biełaruś»: na hetym tydni pieršy efir 12

6 studzienia ŭ viečarovym efiry ANT (18:50) upieršyniu źjavicca pieradača «Ja lublu Biełaruś».

Jaje viadučym budzie Dzianis Kurjan.

«Ja lublu Biełaruś» — heta zabaŭlalna-paznavalnaja pieradača. Padobnyja prahramy iduć u mnohich krainach śvietu. Ideja naležyć niderłandskamu telekanału RTL4, jany zapuścili prajekt jašče ŭ 2008 hodzie. Taksama anałahičnyja pieradačy jość u Vialikabrytanii, Čechii, Kitai, Polščy, Ukrainie, Hruzii, Sierbii, Italii inšych krainach.

U Hałandyi ŭ pieradačach udzielničaje dźvie kamandy pa try čałavieki (kožny roznaj uzrostavaj kathoryi). Kamandy adkazvajuć na pytańni kštałtu: «Kali kraina skončyła peŭnuju vajnu», «Kolki abłaściej u krainie» i h.d.

Viadoma, što ŭ pieršych biełaruskich efirach buduć udzielničać zorki: Alaksandr Cichanovič, Eduard Chanok, doktar Sajkoŭ, Uładzimir Kubyškin.

«Ja lublu Biełaruś» budzie vychodzić na rasiejskaj movie.

Biełaruskaj ža addadzienaja rola chutčej ekzotyki. Hulcy buduć adkazvać jak pierakłaści na biełaruskuju movu toje ci inšaje słova.

Razam z tym budzie bahata pytańniaŭ pa historyi Biełarusi, u tym liku pieryjadaŭ VKŁ i Rečy Paspalitaj.

Vieści pieradaču budzie Dzianis Kurjan, jaki ŭ kastryčniku syšoŭ z BT. 28-hadovy Kurjan paźniej kazaŭ, što ŭ jaho byli niekatoryja zaprašeńni z Rasii, ale vybraŭ jon ANT.

Źmicier Pankaviec

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH