Siarod muzykaŭ jość takija asoby, čyju bijahrafiju, zasłuhi i cikavostki pra jakich nie varta raskazvać — pa-pieršaje usiaho šmat, pa-druhoje, usio adno ŭsio nie raskažaš. Tym nie mienš «Naša Niva» ŭzhadała siem faktaŭ pra Mika Džahiera, vakalista The Rolling Stones, jaki śviatkuje siońnia 70-hodździe.
Padčas pieršaha televizijnaha vystupu The Rolling Stones adzin z pradziusaraŭ šou paraiŭ muzykam hurtu: «Kali chočacie mieć jakuju-niebudź budučyniu, pazbaŭciesia hetaha vakalista z humovymi vusnami». Za 50 hod isnavańnia «rolinhaŭ» vidavočna, što pradziusar, miakka kažučy, pamyliŭsia.
Mik Džahier vialiki amatar tvorčaści Bułhakava — pračytany im u siaredzinie 60-ch raman «Majstar i Marharyta» daŭ śpievaku natchnieńnia na niekalki hadoŭ napierad: psichadeličny albom Their Satanic Majesty's Request maje adsyłku da knihi ŭ naźvie («Pa prośbie Jaje Sataninskaj Vialikaści»),siudy ž možna zaličyć i adzin z kłasičnych chitoŭ hurtu Sympathy for the Devil («Spačuvańni djabłu»).
Mik Džahier nikoli nie dumaŭ, što budzie pisać pieśni, kab prymusić «rolinhaŭ» pierastać śpiavać čužyja, mieniedžaru hurtu daviałosia začynić Džahiera i Kita Ryčardsa na kuchni i nie vypuskać ich da toj chviliny, pakul jany nie napišuć pieśniu. Ciapier ža imia Džahiera jość u lubym śpisie najlepšych paetaŭ rok-n-roła.
Ličycca, što Mik Džahier nie prajaviŭsia jak muzyka-to bok jon adzin z najlepšych śpievakoŭ u historyi rok-n-roła, adnak z muzyčnymi instrumientami tak i nie pasiabravaŭ. Nasamreč, Džahier vielmi niakiepski harmošačnik, dyj na hitary hrać umieje — novaja pieśnia The Rolling Stones pad nazvaj Doom & Gloom całkam napisana i amal całkam zapisana Džahieram.
U siaredzinie 1980-ch Džahier amal razahnaŭ The Rolling Stones, i pačaŭ zapisvać solnyja albomy i jeździć u adzinočnyja tury. Padčas čarhovaha kanfliktu ŭnutry hurtu jon atrymaŭ mianušku Brenda, u honar žančyny-piśmieńnicy Brendy Džahier, čyju knihu vypadkova ŭbačyŭ u kniharni Kit Ryčards. Tamu Džahier nie razumieŭ, što adbyvajecca, kali na sustrečach hurtu jahonyja kalehi ŭvieś čas łajali «hetuju k…rvu Brendu».
U 2007 hodzie ŭ Varšavie Mik Džahier sustreŭsia ź Mikałajem Chalezinym i kalektyvam Svabodnaha teatra i vykazaŭ salidarnaść ź biełarusami. Videa, dzie Džahier pramaŭlaje «Žyvie Biełaruś!» stała sapraŭdnym chitom u internecie.
U svaje 70 Džahier znachodzicca ŭ vydatnaj fizičnaj formie — padčas apošniaha tura The Rolling Stones jon śpievami i płastykaj «zatknuŭ za pojas» bolšaść maładych haściej kancertaŭ — ad Łedzi Hahi da Dejva Hroła. Darečy, za tendencymi ŭ sučasnaj muzycy jon pilna sočyć — zaprašać maładych supier-zorak praśpiavać razam, heta ideja Džahiera.
JUU
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
