6–7 vieraśnia pad Minskam, u Biełaruskim dziaržaŭnym muziei narodnaj architektury i pobytu, projdzie piatyfołk-fiestyval «Kamianica».
Jak raskazali arhanizatary, fiestyval adkryjecca 6 vieraśnia ŭ 18.00 «Siabroŭskaj viačeraj», dzie haściej čakaje prezientacyja filma «Historyja biełaruskaj kuchni»,
7 vieraśnia z 12.00 — vialiki fiestyvalny dzień. Čakajucca vystupleńni biełaruskich hurtoŭ «Stary Olsa», «Pałac», Guda, a taksama haściej
Hości fiestyvalu zmohuć naviedać vystavy, kirmaš i prosta patancavać. Dla ŭsich, chto budzie ŭ nacyjanalnych kaściumach, — uvachod biaspłatny.
Atrymanyja ad praviadzieńnia fiestyvalu srodki buduć pieraličanyja na rachunki Muzieja narodnaj architektury i pobytu dla zachavańnia draŭlanych ekspanataŭ
Viadučy i kuratar fiestyvalu, lidar hurtu «Pałac» Aleh Chamienka raskazaŭ ab prahramie i kalektyvach, jakija vystupiać u miežach «Kamianicy».
Dyrektar Biełaruskaha dziaržaŭnaha muzieja narodnaj architektury i pobytu Śviatłana Łakotka adznačyła, što košt bileta na fiestyval vielmi nizki — 30 tysiač rubloŭ i raźličany jon na vialikuju kolkaść haściej.
Kuratar dziciačaj sceny, lidar hurtu Shuma Rusia paviedamiła, što sioleta dziciačaja scena budzie znachodzicca pobač z darosłaj. «Pauzy pamiž darosłymi vystupleńniami jakraz i zojmuć dziciačyja kalektyvy, — adznačyła Rusia. — Usio muzyčnaje šou fiestyvalu „Kamianica“ budzie vyhladać jak vialikaja muzyčnaja historyja biez pauzaŭ i pierapynkaŭ».
