Fota forum.globus.tut.by.
Abmiernyja čarciažy pačatku XX st. Fota radzima.org.
Adzin z padarožnikaŭ miesiac tamu naviedaŭ viosku Vistyčy na Brestčynie. I vystaviŭ na forumie fotazdymak Kryžaŭźvižanskaj carkvy. Pobač z chramam na fota staić draŭlany karkas kupała. Internaŭty adrazu zabili tryvohu: niaŭžo cybulina źjavicca i na hetym pryhožym chramie? Padobny vandalizm zdaryŭsia ŭ šerahu haradoŭ i viosak. Ale ŭ dadzienym vypadku padstaŭ dla paniki, jak vyśvietliłasia, niama.
«Heta nie kupał — sihnatura adnaŭlajecca. Tam viadziecca ceły kompleks adnaŭlenčych rabot pad našym kantrolem», — raskazaŭ «Našaj Nivie» staršynia Tavarystva achovy pomnikaŭ Anaton Astapovič.
Kryžaŭźvižanski chram byŭ pabudavany jak katalicki ŭ druhoj pałovie ChVIII stahodździa pry klaštary cystercyjancaŭ. U 1866 hodzie, paśla Paŭstańnia Kalinoŭskaha, pieraaśviačany ŭ pravasłaŭnuju carkvu.
Ciapier u vakolicy katalikoŭ zastajecca mała, tamu carkva zastajecca ŭ pravasłaŭnych.
Pa słovach Astapoviča, vieža-sihnatura prysutničała na budynku kaścioła. Jana zachavałasia na čarciažach XIX stahodździa: kali budynak pieradavali pravasłaŭnym, praviali abmiery. Kopii dakumientaŭ i pieradali nastajacielu carkvy a. Anatolu.
Astapovič źviartaje ŭvahu, što adnaŭleńnie adbyvajecca mienavita na padstavie histaryčnych dakumientaŭ.
Jon dadaŭ, što ŭ kancy žniŭnia na carkvu kupili dach — kaštoŭnuju kieramičnuju dachoŭku. Taksama a. Anatol razburyŭ bramku pierad chramam, jakuju biez hustu pastavili ŭ niadaŭni čas ź silikatnaj cehły. Płanujecca, što budzie adnoŭlena histaryčnaja brama. I z chrama źniknuć płastykavyja vokny — ich zamieniać na draŭlanyja.
«Chram atrymaje histaryčny vyhlad», — padsumavaŭ Astapovič.
Sihnatura — małaja vieža na dachu chrama (u asnoŭnym na katalickim), na jakoj zvyčajna znachodzicca najmienšy sa zvanoŭ