Płany Ukrainy padpisać pahadnieńnie ab asacyjacyi ź ES nie pavinny niehatyŭna adbicca na abjomach handlu ź Biełaruśsiu.
Pra heta išła razmova na sustrečy Alaksandra Łukašenki ź Michaiłam Miaśnikovičam, paviedamlaje BIEŁTA.
Adnoj z tem sustrečy było raźvićcio handlova-ekanamičnych suviaziaŭ z Ukrainaj i aficyjny vizit u Biełaruś premjer-ministra hetaj krainy Mikałaja Azarava, jaki adbudziecca 7—8 kastryčnika.
Pavodle słoŭ Michaiła Miaśnikoviča, płany Ukrainy padpisać pahadnieńnie ab asacyjacyi ź Jeŭrapiejskim sajuzam nie pavinny niehatyŭna adbicca na abjomach handlu ź Biełaruśsiu:
«U hetaj situacyi Biełaruś ni ŭ jakim razie nie pavinna stracić handal z Ukrainaj, a moža być, navat znajści peŭnyja plusy. U nas tam vielmi vialiki rynak».
Razam z tym premjer-ministr ličyć, što ŭ pytańni ŭdziełu Ukrainy ŭ pracesach jeŭrazijskaj intehracyi nie varta prytrymlivacca vybaračnaha padychodu.
«Ukraina siońnia zajaŭlaje pra hatoŭnaść pryniać kala siamidziesiaci sa sta ź lišnim pahadnieńniaŭ, jakija ŭ nas jość u Mytnym sajuzie.
Biezumoŭna, treba ŭsio ž taki imknucca da taho, kab heta było paŭnavartasnaje siabroŭstva», — zajaviŭ Michaił Miaśnikovič.