Ukrainskija lotčyki Marskoj avijabryhady, jakaja dysłakujecca ŭ Sakskim rajonie Kryma, zmahli ŭźniać u nieba svaje samaloty i viertaloty, i pad prycełam čužoj avijacyi pieralacieć u Mikałajeŭ, havorycca ŭ siužecie «Navin 2 +2».
Ukrainskija lotčyki Marskoj avijabryhady ŭźniali ŭ pavietra ŭsiu techniku — viertaloty Mi-24 i Ka-52, samaloty AN-12 i AN-26, jakija dziažuryli na terytoryi marskoj avijacyjnaj bryhady ŭ Novafiodaraŭcy. «Było pryniataje rašeńnie i addadzieny zahad vyvieści ŭsiu pracoŭnuju techniku. Heta, viadoma, nie vitałasia imi, tamu my maksimalna chutka ŭźlacieli i pajšli ŭ napramku Mikałajeva. Jany nie paśpieli ŭmiašacca, ale paśla adlotu kažuć, była sproba pierakryć pałasu, ale jany spaźnilisia», — kažuć lotčyki.
Aficery sami nie kažuć, ale z vartych davieru krynic viadoma, što jany ŭźniali ŭ pavietra try samaloty i čatyry viertaloty. Ruchaviki lotčyki prahravali ŭžo ŭ pavietry. Za imi była pahonia, adnak dziakujučy mocnamu tumanu, jany adarvalisia ad pieraśledu.
«Bielbiek» usio jašče zastajecca ŭ abłozie rasijskich bajcoŭ, ale kantrol nad terytoryjaj trymajuć ŭkraincy
