Jaskravaja alternatyŭnaja kamanda z Bresta daje vialiki solny kancert u Minsku. 21 sakavika ŭ kłubie «Piraty» (Partyzanski pr., 6, st.m. «Praletarskaja») bieraściejcy pradstaviać užyvuju svoj novy albom «My zastajemsia». Pačatak a 19.00.
«Kancert 21 sakavika dla nas budzie nadzvyčaj adkaznym, i my pakažam usio, na što zdolnyja. Syhrajem pieśni, jakija ad nas čakajuć, ale buduć i siurpryzy», - kaža vakalist kamandy Pavieł Procharaŭ. Viadoma ž budzie i «Viasna.by», i «Make Yourself», i «Kałychanka», i «Lichtary». Zahałoŭny numar albomu «Apošniaja pieśnia» (z refrenam «My zastajemsia») Procharaŭ praśpiavaje duetam z Kasiaj Levaniuk, čaroŭnaj vakalistkaj hurtu Terrakod, jaki vystupić u jakaści hościa prezientacyi. Taksama ŭ kancercie voźmie ŭdzieł Fiedzia Žyvaleŭski, huru biełaruskaha panku z hurtu «Hołaja manaška».
Kancert projdzie ŭ miežach akcyi «Žyvy Tuzin», jakuju ładzić partał Tuzin.fm razam z kampanijaj «Budźma biełarusami».
Kvitki: 70 000 (tancplac), 90 000 (stolik) – papiarednie, 90 000 (tancplac), 120 000 (stolik) – u dzień kancerta. Daviedki pa t.: +375 29 6872093. Kvitki ŭ kasach i na sajcie KVITKI.BY.
