Kali ja da vas pryjdu na kuchniu ŭnačy, i nie budu stralać, a tolki błakavać vas i vašu žonku, heta ŭvarvańnie ci nie?
A moža vy jaje źbić chacieli. Žančyna pry hetym, kali ja na jaje nakiruju rulu aŭtamata, skaža, što praviadzie refierendum, a kali ja strelu ŭ pavietra — navat skaža, što vy joj astabrydli.
Ja nadzienu kasku, budu jeści ŭ vas na stale, ale stralać bolej nie budu. Ale aŭtamat vaźmu.
Pry hetym ja jašče budu ŭ mascy i ŭsim na ludziach udzień budu śćviardžać, što heta nie ja. Mianie niama.
Heta samaabarona vašaj kvatery ad vas. Pry hetym ja z kvatery vas nie vypušču, vykluču vam vaša telebačańnie, a svajo pakinu.
A pa svaim telebačańni vašaj žančynie budu raspaviadać, što vy svałačuha.
Pry hetym kali milicyja pryjdzie (z AAN niejkich, ci niejkija žurnalisty), ja ich nie pušču na paroh. Bo mnie z vašaj žančynaj — niama čaho chavać. Nam vašyja žurnalisty nie patrebnyja. Nam chapaje mianie ŭ mascy, vašaj žančyny i aŭtamata, i my ščaślivyja. Tak, refierendum vašaj žančyny, praviedzieny mnoj i padličany maim aŭtamatam, — budzie zakonnym. Vyniki ja vam pad dźviery prasunu ŭ vaš pakoj, u jakim ja vas budu błakavać.
