Urad Polščy pryniaŭ rašeńnie ab vyzvaleńni da 2020 hoda ad padatkaŭ kampanij, jakija ažyćciaŭlajuć zdabyču słancavaha hazu, pieradaje UNIAN.
«Ja rady, tamu što padčas časam vielmi vostraj dyskusii, u jakoj prymali ŭdzieł ekśpierty pa pytańniach achovy navakolnaha asiarodździa, enierhietyki, čynoŭniki šerahu ministerstvaŭ my pabudavali madel, jakaja budzie bolš spryjać pradprymalnikam, jakija chočuć ukłaści svaje hrošy, svoj čas, svaje mahčymaści ŭ pošuk, a paźniej i zdabyču słancavaha hazu», - zajaviŭ premjer Polščy Donald Tusk.
Kiraŭnik urada paviedamiŭ, što paśla zaviaršeńnia lhotnaha pieryjadu padatkovaja nahruzka na zdabytčykaŭ słancavaha hazu nie pieravysić 40%.
Tusk taksama adznačyŭ, što ŭłady maksimalna spraścili biurakratyčnyja pracedury, źviazanyja sa zdabyčaj słancavaha hazu ŭ Polščy, zajaviŭšy, što polskaja dziaržava stvaraje lepšyja ŭmovy dla zdabyčy takoha paliva ŭ Jeŭropie.
Jon taksama adznačyŭ važnaść enierhietyčnaj biaśpieki ŭ kantekście apošnich padziej va Ukrainie.
Raniej amierykanskija ekśpierty zajaŭlali ab najaŭnaści ŭ Polščy najbujniejšych zapasaŭ słancavaha hazu ŭ Jeŭropie, aceńvajučy ŭvieś abjom u 5,3 tryljona kubamietraŭ hazu. U toj ža čas polskija ekśpierty acanili zapasy ŭ 350-770 młrd kubamietraŭ pry štohadovym spažyvańni ŭ Polščy kala 16 młrd kubamietraŭ.
