Sud Centralnaha rajona Minska abvinavaciŭ staršyniu Abjadnanaj hramadzianskaj partyi Anatola Labiedźku ŭ parušeńni artykuła 23.34 administracyjnaha kodeksu ab praviadzieńni masavych mierapryjemstvaŭ i pakaraŭ štrafam 30 bazavych vieličyniaŭ (3 miljony 900 tysiač rubloŭ).
Padstavaj dla hetaha staŭ udzieł kiraŭnika AHP u pieradvybarčym pikiecie 2 sakavika kala Kamaroŭskaha rynku ŭ Minsku.
Arhanizavaŭ pieradvybarčy pikiet siabra Abjadnanaj hramadzianskaj partyi, kandydat u deputaty harsavieta Artur Finkievič. U sudzie jon zajaviŭ, što napiaredadni paviedamiŭ pra akcyju ŭ haradskuju vybarčuju kamisiju, jak taho i patrabuje vybarčaje zakanadaŭstva, što i było zafiksavana adpaviednym čynam.
Jak zajaviŭ Anatol Labiedźka, hetaje rašeńnie jon budzie abskardžvać u sudzie vyšejšaj instancyi.
