Łukašenka padčas naviedvańnia «Barysaŭdreva», hiendyrektar — źleva, fota BiełTA
Kryminalnaja sprava zaviedziena adnosna hiendyrektara AAT «Barysaŭdreŭ», paviedamili BiełTA ŭ adździele infarmacyi i suviazi z hramadskaściu Śledčaha kamiteta Respubliki Biełaruś.
Spravu zaviali pa č.3 art.424 KK (złoŭžyvańnie słužbovymi paŭnamoctvami). «Jon uziaty pad vartu. Nakładzieny aryšt na jaho majomaść», — rastłumačyli ŭ SK.
Pavodle źviestak pravaachoŭnikaŭ, svaimi dziejańniami hiendyrektar pryčyniŭ ciažkija nastupstvy dziaržaŭnym intaresam «u chodzie vykanańnia mierapryjemstvaŭ pa madernizacyi, što pravodzicca na pradpryjemstvie».
8 listapada 2013 hoda Alaksandr Łukašenka naviedvaŭ pradpryjemstva i byŭ aburany sarvanymi tempami madernizacyi. Tady kiraŭnik dziaržavy publična abviaściŭ, što zvalniaje dyrektara, a kiravać pradpryjemstvam pryznačaje eks-kiraŭnika Minščyny Barysa Baturu.
Na novuju pasadu Batura musiŭ zastupić praz try dni. Adnak, jak paviedamlała Jeŭraradyjo, hetaje pryznačeńnie adbyłosia tolki vusna. Batura syšoŭ na piensiju, a małady dyrektar Uładzimir Malcaŭ zastavaŭsia kiraŭnikom.
