Arhanizatar adzinočnaha pikietu suprać vajny Rasii z Ukrainaj Uładzimir Hundar 14 sakavika atrymaŭ pozvu ŭ sud, jaki adbudziecca 21 sakavika a 15 hadzinie. Pozvu ŭ haradski sud hramadskamu aktyvistu ŭručyŭ supracoŭnik HAUS kapitan milicyi Juryj Rusakoŭ.
Uładzimir Hundar 4 sakavika pravioŭ adzinočny pikiet salidarnaści z ukrainskim narodam u centry Baranavičaŭ. Aktyvist z błakitna-žoŭtym ściaham na plačach razharnuŭ kalarovy płakat «Pucinskija band-ahresary hieť z Ukrainy, preč ź Biełarusi».
Chvilin praz 10 paśla pačatku pikieta da Uładzimira padyšli supracoŭniki milicyi. Jany vyklikali milicejskuju patrulnuju mašynu i advieźli Uładzimira Hundara ŭ HAUS, dzie i byŭ składzieny na jaho administracyjny pratakoł za ździajśnieńnie administracyjnaha pravaparušeńnia, praduhledžanaha č. 2 art. 23.34 KaAP RB – arhanizacyja i praviadzieńnie niesankcyjanavanaha masavaha mierapryjemstva.
Fota: Uładzimir Hundar padčas pikietu ŭ centry Baranavičaŭ
