Viečaram 16 sakavika televiadučy Dźmitryj Kisialoŭ nahadaŭ u pramym efiry vynikovaj prahramy Rośsii-1 «Viesti niedieli» ab mahčymaści jadziernaj vajny pamiž Rasijaj i ZŠA.
«Rasija — adzinaja kraina ŭ śviecie, zdolnaja pieratvaryć ZŠA u radyjeaktyŭny popieł» — u pryvatnaści zajaviŭ jon, razvažajučy ab mahčymych sankcyjach krain Zachadu z-za dziejańniaŭ Rasii ŭ Krymie.
Taksama Dźmitryj Kisialoŭ, jaki źjaŭlajecca taksama hienieralnym dyrektaram infarmacyjnaha ahienctva «Rośsija siehodnia» (byłoje RIA «Novosti»), rekamiendavaŭ hledačam pračytać zamietku ŭ «Rośsijskoj hazietie» ad 22 studzienia, dzie havorycca pra rasijskuju sistemu harantavanaj jadziernaj adpłaty «Pierymietr».
Akramia Rasii i ZŠA jadziernaj zbrojaj taksama vałodajuć Vialikabrytanija, Francyja, Kitaj, Indyja i Pakistan. Najaŭnaść jadziernaj zbroi ŭ KNDR i Izraila dakładna nie paćvierdžana.
