Žychar Asipovickaha rajona chacieŭ viarnuć kachanuju, ź jakoj razyšoŭsia niekalki dzion tamu. Dziaŭčyna na znaki ŭvahi nie adkazvała, ale adnojčy ŭsio ž taki pahadziłasia na sustreču.
Chłopiec čakaŭ, ale kachanaja tak i nie źjaviłasia. Na nastupny dzień jon sustreŭ jaje pa darozie da siabra i vykazaŭ svajo abureńnie niepryniataj sustrečaj. Byłyja kachanki pasvarylisia, ale nie razyšlisia. Kab rasstavić usie kropki nad «i», jany aboje nakiravalisia da siabra i stali vyśviatlać adnosiny ŭžo za vypiŭkaj. Siabar, jakoha stamili ŭzajemnyja abvinavačvańni i svarka, vyrašyŭ pakinuć paračku sam-nasam.
Viarnuŭšysia praź niekalki hadzin, jon pabačyŭ, što jaho siabra vypivaje ŭ adzinocie i praciahvaje łajacca.
Akazałasia, što chłopiec źbiŭ svaju byłuju dziaŭčynu i pasadziŭ u chałodny sklep. Nadziejna začyniŭšy dziaŭčynu pad padłohaj, chłopiec praciahvaŭ pić i vyśviatlać adnosiny.
Haspadar doma vypuściŭ dziaŭčynu, jakaja niekalki hadzin prasiadzieła ŭ maleńkim sklepie. Paciarpiełaja źviarnułasia ŭ milicyju.
Niaŭdałaja sproba naładzić asabistaje žyćcio moža kaštavać chłopcu 5 hadoŭ pazbaŭleńnie voli. U dačynieńni da jaho ŭžo zaviedzienaja kryminalnaja sprava pa artykule 183 KK RB «Niezakonnaje pazbaŭleńnie voli». U zaležnaści ad stupieni ciažaru źbićcia taksama moža być raspačata kryminalnaja sprava pa artykule «Naniasieńnie ciažkich cialesnych paškodžańniaŭ», paviedamiŭ pradstaŭnik upraŭleńnia śledčaha kamiteta pa Mahiloŭskaj vobłaści.
