Hramadskaje abjadnańnie «Pravy siektar» damoviłasia ab infarmacyjnym supracoŭnictvie z telekanałam «Tonis». Pra heta havorycca ŭ paviedamleńni arhanizacyi na jaje sajcie.
Starejšy syn Viktara Janukoviča Alaksandr atrymaŭ ad žurnalistaŭ mianušku Saško Stamatołah
«Pravy siektar» ŭdziačny kiraŭnictvu kanała za biesstarońniaje staŭleńnie i ciešycca, što ciapier hledačy «Tonisa» «pieršymi zmohuć atrymlivać praŭdzivuju infarmacyju» ab jaho dziejnaści.
«Padkreślivajem, što supracoŭnictva «Pravaha siektara» z «Tonisam» nie aznačaje, što my budziem ŭmiešvacca ŭ redakcyjnuju palityku kanała abo ŭstalujem nad im ideałahičny kantrol», — havorycca ŭ zajavie.
Jak viadoma, telekanał «Tonis» pry panavańni Viktara Janukoviča adyšoŭ jaho synu Alaksandru, miescaznachodžańnie jakoha ciapier nieviadoma.
