U biełaruskich teatrach praciahvajecca sieryja kanfliktaŭ. Hetym razam jon zdaryŭsia ŭ Respublikanskim teatry biełaruskaj dramaturhii.
Z 2012 hoda dyrektaram kalektyvu źjaŭlaŭsia adzin ź viadučych akcioraŭ teatra Ihar Sihaŭ. Za niekalki hadoŭ da taho jon źniaŭsia ŭ filmie «Dźviery», jaki naminavaŭsia na premiju «Oskar» jak «Najlepšy karotkamietražny hulniavy film».
Razam z Alaksandram Harcujevym, mastackim kiraŭnikom teatra, Sihaŭ zmoh zrabić RTBD adnym z najlepšych dramatyčnych kalektyvaŭ stalicy. Ale Ministerstva kultury, jakomu padparadkoŭvajecca teatr, vyrašyła nie praciahvać kantrakt ź Sihavym.
Jak paviedamlaje tut.by, pad listom u abaronu dyrektara padpisałasia 80 čałaviek (usiaho ŭ štacie pracuje bolš za 100). U adkazie, padpisanym namieśnikam ministra kultury Uładzimiram Karačeŭskim, źmieščana tolki ŭdziačnaść za nieabyjakavaść. A taksama adznačana, što ministerstva padzialaje zakłapočanaść kalektyvu.
Heta śviedčyć, što chutčej za ŭsio ŭ budynak teatra nieŭzabavie pryjdzie novy kiraŭnik.
