Fota BiełTA.
«Ukraina pavinna zastavacca adzinaj, niepadzielnaj i cełasnaj, ale Krym de-fakta siońnia — častka Rasii»,
— zajaviŭ Alaksandr Łukašenka, razmaŭlajučy z žurnalistami paśla hałasavańnia na vybarach deputataŭ Minharsavieta na ŭčastku №1 Viaśnianskaj vybarčaj akruhi №39.
«My svoj punkt hledžańnia vyznačyli i vykazali. Ad nas nichto i nie patrabuje pryznać i padtrymać rasijan ci naadvarot», — śćviardžaje kiraŭnik dziaržavy.
Alaksandr Łukašenka ličyć, što ŭkrainskija ŭłady dapuścili mnostva pamyłak, jakija pryviali ŭ vyniku da straty Krymu.
«Ukrainskija ŭłady dapuścili vielmi šmat pamyłak i sami padstavili. Kažuć, što Rasija adciapała Krym. Dyk vy, palityki, nie padstaŭlajciesia.
Rasija ŭbačyła, što robicca. Tam u Krymie 2,5 miljona ruskich [pavodle apošniaha pierapisa 1,3 młn — NN], i Rasija ŭmiašałasia».
Pavodle jaho słoŭ, adnoj z pryčyn krymskaha kryzisu stała pazicyja ŭkrainskich uładaŭ pa moŭnaj pytańni.
«Usio, što adbyłosia i adbyvajecca va Ŭkrainie, mnie kateharyčna ahidna i nie padabajecca», — pryznaŭsia Łukašenka.
Alaksandr Łukašenka ličyć, što Zachad pabaicca ŭvieści surjoznyja sankcyi ŭ dačynieńni da Rasiei za jaje palityku va Ukrainie.
«Zachad — heta takaja prafanacyja, heta ni na što nie zdolnyja ludzi», — zajaviŭ A.Łukašenka žurnalistam u niadzielu ŭ Minsku. «Kolki było pyłu «dy my!». Ja ŭžo spałochaŭsia, kab da vajny nie dajšło. [U vyniku ž] dvaccać čałaviek nie puściać u Jeŭropu:
častku, jakaja ŭvohule nikoli nie jeździła ŭ Jeŭropu, a častka — pa słužbovych abaviazkach nie pavinny tudy jechać», — skazaŭ Łukašenka.
«Ukraina pavinna zastacca adzinaj krainaj, niepadzielnaj i pazabłokavaj dziaržavaj. Kali zaŭtra ŭ Ukrainie vysadzicca NATA, heta dla nas kateharyčna nieprymalna», — zaściaroh Łukašenka.
Jon padkreśliŭ, što fiederalizacyja Ukrainy moža pryvieści da dalejšaj eskałacyi ŭ hramadstvie. «Fiederacyja — heta vielmi niebiaśpiečna dla dziaržavy. Heta vajna, heta moža vylicca ŭ dalejšaje supraćstajańnie i bojku», — skazaŭ Łukašenka.
«Fiederacyja — heta «pijanina», na jakim buduć hulać, z adnaho boku, adny siły, z druhoha boku, inšyja siły, u tym liku źniešnija. Heta nazaŭždy destabilizuje abstanoŭku. Nazaŭždy!» — skazaŭ Łukašenka.
