Biełaruś u hetym hodzie ŭpieršyniu praviadzie palavyja vyprabavańni hienietyčna madyfikavanaj bulby, paviedamiŭ dyrektar Instytuta hienietyki i cytałohii Nacyjanalnaj akademii navuk Biełarusi Alaksandr Kilčeŭski.
U minułym hodzie biełaruskuju transhiennuju bulbu z padvyšanaj ustojlivaściu da chvarob i kałaradskaha žuka vysadzili ŭ ciaplicach dla atrymańnia nasiennaha materyjału, chacia raniej mierkavałasia vysadzić jaho na śpiecyjalnym vyprabavalnym palihonie, jaki byŭ stvorany na bazie instytuta.
U hetym hodzie hetuju hiennamadyfikavanuju kulturu ŭpieršyniu źmieściać u adkryty hrunt na bijałahičnym doślednym poli na vyprabavalnym palihonie płoščaj 0,3 ha, jaki znachodzicca na vulicy Francyska Skaryny ŭ Minsku, dzie dla rostu transhiennych raślin stvorany ŭsie nieabchodnyja ŭmovy.
Pa słovach Kilčeŭskaha, u ramkach pieršych u Biełarusi palavych vyprabavańniaŭ navukoŭcy vyvučać ŭpłyŭ hienietyčna madyfikavanaj kultury bulby «na bijałahičnuju raznastajnaść, a taksama mahčymaści pieradačy transhienaŭ navakolnym vidam raślin».
U toj ža čas ab kamiercyjnym vykarystańni hiennamadyfikavanych praduktaŭ, u pryvatnaści bulby, možna budzie kazać tolki praz dva-try hady paśla praviadzieńnia palavych vyprabavańniaŭ i ŭvažlivaha analizu.