Amierykanski repier Pitbul vykłaŭ na YouTube aficyjnuju pieśniu čempijanatu śvietu pa futbole 2014 hoda, jakuju jon vykanaŭ razam sa svajoj suajčyńnicaj Dženifier Łopies i brazilskaj śpiavačkaj Kłaŭdyjaj Lejte. Kampazicyja atrymała nazvu «We Are One (La La La)» i ŭvajšła ŭ albom piesień ČS-2014.
Pieśnia była vykładzienaja na YouTube 7 krasavika i na 14:26 jana maje bolš za 40 tys. prahladaŭ. Videašerahu da muzyki niama: pieśnia supravadžajecca fatahrafijaj vokładki alboma «One Love, One Rhythm», kudy ŭvajšli ŭsie kampazicyi, pryśviečanyja čempijanatu śvietu.
Akramia hałoŭnaj pieśni ČS- 2014, u albom trapili kampazicyi Karłasa Santany, Uajklifa Džyna, Ryki Marcina, Šakiry i inšych vykanaŭcaŭ.
Pitbul, Łopies i Lejte vykanajuć pieśniu «We Are One» padčas aficyjnaj cyrymonii adkryćcia čempijanatu śvietu, jakaja adbudziecca 12 červienia ŭ San-Paŭłu na stadyjonie «Arena».
Paśla zakančeńnia cyrymonii adbudziecca pieršy matč čempijanatu śvietu Brazilija — Charvatyja.
Vykanaŭcaj aficyjnaj pieśni čempijanatu śvietu 2010 hoda ŭ Paŭdniova-Afrykanskaj Respubliki («Waka, Waka») była kałumbijskaja śpiavačka Šakira. Aficyjny klip nabraŭ 640 młn prahladaŭ.
