Zbornik vieršaŭ narodnaha paeta Biełarusi Jakuba Kołasa, jaki pabyvaŭ u kosmasie, siońnia pradstavili ŭ Minsku. Vydańnie ŭvajšło ŭ ekspazicyju «Zornaje nieba» narodnaha mastaka Biełarusi Ivana Misko, što adkryłasia ŭ Dziaržaŭnym litaraturna-miemaryjalnym muziei Jakuba Kołasa.
Pamier vydańnia składaje ŭsiaho 8,5ch7 sm. Minijaciurnaja kniha była vydadziena ŭ 1972 hodzie da 90-hodździa z dnia naradžeńnia pieśniara.
Na arbitu zbornik braŭ u 1975 hodzie Piotr Klimuk. Heta byŭ druhi palot pieršaha biełaruskaha kasmanaŭta.
U kastryčniku 1975 hoda Klimuk padaryŭ «zorny» tomik Daniłu Mickieviču — synu Jakuba Kołasa i pieršamu dyrektaru muzieja. Supracoŭniki muzieja pryznajucca, što nie pomniać, kali ŭ apošni raz vystaŭlaŭsia zbornik. Havorać: upieršyniu za apošnija 30 hadoŭ.
