Minabarony Litvy zajaviła pra rašeńnie nabyć dadatkovy radar dalokaha sačeńnia.
Jon budzie ŭstalavany ŭ Ihnalinskim rajonie na miažy ź Biełaruśsiu. Dva radara z tych, jakija płanavałasia nabyć raniej, buduć ustalavanyja ŭ Šyłuckim (na zachadzie Litvy, kala marskoha ŭźbiarežža) i Prenskim (na poŭdni krainy) rajonach.
«Źmieny ŭ situacyi ŭ śfiery biaśpieki dyktujuć novyja rašeńni. My pavinny nie tolki spadziavacca na dapamohu sajuźnikaŭ, ale i sami prymać miery pa ŭzmacnieńni adkaznaści za ŭłasnuju biaśpieku. Nieabchodnyja pieradumovy dla hetaha stvaraje i abnoŭlenaje rašeńnie palityčnych partyj ab pavieličeńni finansavańnia abarony», — adznačaje ŭ pres-relizie ministr abarony Litvy Juozas Olakas.
Usie try novych radara pryjduć na źmienu vykarystoŭvanym ciapier u litoŭskaj armii sastarełym radaram dalokaha sačeńnia P-18 i P-37, vyrablenym u Rasiei ŭ 1971—1983 hadach.
Jak havorycca ŭ paviedamleńni, novaja technika ŭzmocnić sistemu SPA, budzie spryjać lepšaj achovie ŭschodniaj miažy NATA.
Całkam abnavić try pasta SPA płanujecca ŭ 2019 hodzie. Košt prajekta składaje kala 200 młn. litaŭ.
