Kadravyja rašeńni ŭ dačynieńni da kiraŭnictva MUS i SBU Danieckaj vobłaści pavinny ŭmacavać siłavyja struktury rehijonu, a sieparatystam dajecca ci nie apošni šaniec dobraachvotna skłaści zbroju.
Takuju zajavu zrabiŭ namieśnik kiraŭnika Administracyi prezidenta Ukrainy Andrej Sienčanka.
Padziei na Danieččynie čynoŭnik ličyć vynikam prarasiejskich pravakacyj, na jakija paddalisia i prostyja žychary kraju.
Za biaździejnaść u Administracyi prezidenta abiacajuć pakarać i pravaachoŭnikaŭ, jakija padčas zachopu adździaleńniaŭ milicyi i administracyjnych ustanoŭ na Danieččynie nie akazvali sieparatystam nijakaha supracivu.
Asobna Sienčanka źviarnuŭsia da ekstremistaŭ.
«Tyja, chto ŭziaŭ zbroju ŭ ruki, chto zajmaŭ adździaleńnie milicyi, u tym liku dla taho, kab atrymać dostup da zbroi. Heta ludzi, jakija ździejśnili złačynstva. Kali vy nie składziecie zbroju i nie vyzvalicie budynak, to ŭłada vymušanaja budzie pryniać rašeńnie ab ćviordym siłavym scenary. Sił dla hetaha na ŭschodzie krainy siońnia ŭ nas dastatkova», — zajaviŭ Sienčanka.
