Kamisija Dziarždumy pa etycy zapatrabavała ad lidera ŁDPR Uładzimira Žyrynoŭskaha prynieści publičnyja prabačeńni parłamienckim žurnalistam, jakich jon abraziŭ. Takoje rašeńnie było pryniata ŭ sieradu, 23 krasavika, pa vynikach razhladu incydentu, jaki adbyŭsia ŭ minułuju piatnicu z udziełam lidera libierał-demakrataŭ i dumskich karespandentaŭ.
Padčas padychodu da presy 18 krasaviku Žyrynoŭski, viadomy epatažnymi vychadkami, u adkaz na pytańnie žurnalistki ahienctva «Rasija siońnia» pačaŭ vykrykvać abrazy ŭ jaje adras, a zatym abražać i jaje kalehaŭ. Paśla incydentu ciažarnaja karespandentka «Rasiei siońnia» była špitalizavana.
U niadzielu palityk paprasiŭ u žurnalistki prabačeńnia ŭ pramym efiry prahramy «Niadzielny viečar z Uładzimiram Sałaŭjovym» na telekanale «Rasija-1». Žyrynoŭski pryznaŭ, što «troški hruba pahavaryŭ, adkazaŭ dziaŭčynie». «Ja joj prynošu prabačeńni i naohuł usim, kali niekaha niejak moh pakryŭdzić», — skazaŭ jon. Niahledziačy na prabačeńni, ahienctva «Rasija siońnia» maje namier damahčysia razhladu spravy ŭ sudzie.
